Скокні, калі зможаш!

15 ліпеня ў Гомелі адкрыўся доўгачаканы скейт-парк, які мясцовыя трукачы чакалі аж 10 гадоў! Чылавая зона ўздоўж берага Сожа разраслася да рэспубліканскіх маштабаў, бо на адкрыццё з'ехалася рабзя з усёй краіны. Спаборнічаючы, скейтбардысты дэманстравалі, хто лепшы ў хіпі-джампе, хто круцей скача праз фанбокс, а хто зможа стаць утаймавальнікам трампліна. Пакуль зіхацелі колы і грымелі дошкі, скейтараў і публіку разахвочвалi музыкі і дыджэі, згаладалыя куцілі на фуд-корце, а стылягі тарыліся ў мясцовых дызайнераў. Глядзі наш фотарэпорт з адкрыцця і акунайся ў атмасферу, дзе драйв і рызыка – найлепшыя спадарожнікі.