34mag

Фотарэпорт з «ТЕХНОЗОЖ»

Рубрыка: РЭПОРТЫ
17.07.2017
Аўтар: 34mag
8726

Завіталі ў пятніцу ўвечары ў атлетык-кам’юніці DVOR, але не дзеля трэнькі, а на рэйв «ТЕХНОЗОЖ» з візуальнымі інсталяцыямі. Як звычайная спартзала з лінамі і кольцамі ўночы ператвараецца ў касмічную танцпляцоўку, а канцэпцыя здаровага ладу жыцця спалучаецца з тэхна – глядзі ў нашым візуальным тэхна-варкаўт-фотарэпорце ад Касі Сырамалот.

«“ТЕХНОЗОЖ” – ідэя аб'яднаць звычку весялосці і здаровага ладу жыцця, а яшчэ стварыць сувязь паміж электроннай музыкай і словам “здорава”, бо ў нас многія ставяцца да рэйву і тэхна як да нечага негатыўнага, – тлумачыць новую канцэпцыю арганізатарка «ТЕХНОЗОЖ» Юлія Сергіеўская. – У Менску не так шмат пляцовак для рэйву. І мала хто разглядае ў якасці танцпляцоўкі нешта незвычайнае. Атлетык-кам'юніці DVOR з кольцамі, лінамі і турнікамі для “ТЕХНОЗОЖ” – ідэальнае месца. Ну і пагадзіцеся: часам на танцпляцы спальваеш калорый не менш, чым у зале».