Відэа-нявідэа: DIY
- Рубрыка: ВІДЭА-НЯВІДЭА
- 14.10.2016
- 8872
Сёння мы раскажам, што рабіць, калі хочацца кліп, сто рублёў няма, а сябры яшчэ засталіся. Каб стварыць запамінальнае атмасфернае відэа, не абавязкова мець паўнавартасную прадакшн-каманду. У асаблівых выпадках не абавязкова мець нават камеру. Як? Глядзі!
Powell – Jonny (ft. Jonny)
Што спатрэбіцца для здымак? Некалькі кавуноў, хэндзікам і дзясятак адсаджаных сяброў з моцнымі лбамі. А калі ў вас досыць фанатаў, як у Powell, то яны самі ўсё зробяць.
Не спрабуй паўтарыць убачанае. Або спрабуй.
Hierophante – Cliches
Тут акрамя акаўнта ў інстаграме табе наогул нічога не спатрэбіцца. Аматары базавых хэштэгаў тыпу #selfie ўвесь кантэнт ужо стварылі. Іранічнае відэа хочацца развіваць і развіваць далей. А сам аўтар скардзіцца, што яго папракнулі ў клішаванай схеме стварэння відэа пра клішэ.
The Shoes – Drifted
А гэты наогул наш любімы. Дастаткова перасоўваць гіфкі па дэкстопе, каб расказаць гісторыю кахання, няўдач і нават сусветнага смутку. The Shoes – геніі камбінаторыкі.
Stromae – Formidable
Для стварэння бюджэтнага відэа заўсёды пасуе любы вулічны перформанс, як, напрыклад, разгульванне па горадзе ў нецвярозым стане. Вось толькі 155 млн праглядаў у цябе набярэцца, калі ў кадры Stromae. Ці 5 мільёнаў, калі зафрыстайліш у электрычцы, як Noize MC.
M.I.A. & The Partysquad – Double Bubble Trouble
Можна зайсці і з другога боку. Збіраем усе трэнды 2014 года: 3D-прынтар, фотаапарат са стэрэаэфектам, дроны, вэйперы – дыслакуемся ў спальным раёне, здымаем тусоўку і ў постпрадакшне разбаўляем гета-пейзажы web-punk эстэтыкай. Гіпатэтычна мы можам паўтарыць такі ход і ў Менску, але, вядома, не будзем. Таму што спазніліся на 2 гады.
Tesla Boy – Fantasy
Калі твой бойфрэнд ці твая гёрлфрэнд умеюць сэксапільна рухацца перад камерай, звані ім у скайпе і здымай на вэбку, як яны здымаюць адзенне. Недарэмна Антон Сявідаў з Tesla Boy і мадэль Даша Малыгіна сустракаліся – ад такога кліпа кроў кіпнем апарвае.
The Black Keys – Lonely Boy
ЛУНА – Осень
Ідэйка кліпа для мілых мам. Усё роўна трэба чымсьці заняцца, пакуль тваё дзіця коўзаецца з горкі. Глядзі, напрыклад, як гэта зрабіла ўкраінская спявачка «Луна» ў звычайным кіеўскім двары.
Антоха МС – Время Ток
Цукерка! Майстар DIY-відэа Антоха МС зняў новы кліп. Лаві свяжак і самога Антоху хутка ў Менску! Знойдзеш у афішы.
Чытаць яшчэ:
Монстры Насарогава
Жанчына, монстры, злыя цыгарэты – Насарогаў і doctape media прэзентуюць на 34mag кліп з 10-гадовай гісторыяй.
Відэа-нявідэа: анімацыя
Што яшчэ, акрамя Gorillaz? Збіраем спіс кліпаў з анімацыяй, якія страсянуць твой папярэдні візуальны экспірыенс.
Лепшыя беларускія кліпы 2016-га
16 крутых беларускіх кліпаў, якімі мы ганарымся і раім паказваць сваім сябрам.
Tok Rukoo: новы кліп
Менскі слоўпок-індзі-бэнд Tok Rukoo вяртаецца з новым кліпам Like Never Before пра офісны драйв і дзяўчыну, якая ў кадры нічога асаблівага не робіць.
На галоўнай:
«Карані лезуць»: гісторыя Дыяны, якая паехала на радзіму бацькі – у іракскі Курдыстан
Сустрэча з сям’ёй і іншай культурай.
«Карані лезуць»: гісторыя Дыяны, якая паехала на радзіму бацькі – у іракскі Курдыстан
Сустрэча з сям’ёй і іншай культурай.
Галя Chikiss прэзентуе альбом у Берліне
Спецыяльныя госці – Sveta Ben і Mustelide.
КАМЕНТАРЫ (2)
А чаму няма беларускіх кліпаў? Мы, напрыклад, на гэты кліп youtube.com/watch?v=hwfaWdOnRjY не патрацілі ні цэнта. Проста так супала: песня пра Амерыку і дзяўчынка, якая наздымала ў ЗША процьму відэа.
>The Shoes – геніі камбінаторыкі.
lol