«Нефільтраванае кіно» сёлета пройдзе ў чатырох сталіцах

Працытуем анонс: «У гэтым годзе “Няфільтр” запрашае гледачоў падчас фестывалю заняць месца Адысея, які загадаў прывязаць яго да мачты... Адорна і Хоркхаймер інтэрпрэтавалі Адысея і сірэн як нараджэнне заходняга суб’екта: прывязаны да мачты, ён чуе, але не можа дзейнічаць; яго весляры, спажыўнікі масавай культуры, вушы якіх (…) напоўненыя воскам, наадварот, дзейнічаюць, але не могуць чуць. Запрашаем разбурыць сцены іерархіі і перажыць досвед Адысея і яго спадарожнікаў зноў, каб зрабіць уласны выбар».

Дванаццаты «Няфільтр» складаецца з сямі праграм:

  «Скрозь гукі сірэн» – «калектыўная медытацыя» на тэму сучаснага гарадскога жыцця;

  «Прыручаныя алгарытмы» – кіно, створанае з дапамогай штучнага інтэлекту;

  «Пад ціскам» – фільмы, дзе звыклая рэальнасць разбураецца пад ціскам знешніх абставін і ўнутраных дэманаў;

  «Метанаратывы разам з Food&Footage» – прастора, у якой «блукальнае кіно знаходзіць часовы дом у рытуале сумеснага харчавання»;

  «Кіно-арэлі» – падборка ігравога кароткага метра, ад больш традыцыйнага да эксперыментальнага;

​​​​​​​  «Блізкія адлегласці» – кіно пра далікатнасць унутранага парадку, ілюзію кантролю і тую «першую расколіну», пасля якой нішто ўжо ніколі не можа быць ранейшым;

​​​​​​​  «Solo Soul Sauna» – фінскае эксперыментальнае і дакументальнае кіно.

  Расклад і падрабязнасці – на сайце фестывалю.

Фота: «Я нарадзіўся» / Эліна Айкары (Фінляндыя)