З’явіўся партал з беларускімі казкамі

Казкі алічбаваў Цэнтр даследаванняў беларускай культуры, мовы і літаратуры. Кіраўніца праекта – Таццяна Валодзіна.

Запісы былі зробленыя з канца 1960-х да 2000-х. Казкі раскладзеныя па катэгорыях: кумулятыўныя (па тыпу «Дом, пабудаваны Джэкам»), чарадзейныя, легендарныя, сацыяльна-бытавыя, казкі пра жывёл, небыліцы.

Каб сабраць столькі матэрыялу на адной пляцоўцы, навукоўцам давялося зрабіць маштабную працу, занурыцца ў архівы, у тым ліку замежныя. Некаторыя казкі ты, напэўна, пачуеш тут упершыню.

Гэтым уражальным (а часам і вельмі кранальным) архівам навукоўцы намагаюцца актуалізаваць традыцыі народнай казкі як інструмента захавання нацыянальнай ідэнтычнасці. «Міфалагічныя вытокі беларускай казкі сягаюць часоў індаеўрапейскай еднасці і акцэнтуюць даўнія абрады ініцыяцыі. З такога бачання казка паўстае як спецыфічны код культуры, эвалюцыйна правераны своеасаблівы механізм пераводу хаосу першапачатковых інстынктаў ва ўпарадкаванае цэлае казачнага ўніверсуму», – пішуць стваральнікі праекта.

  Слухаць/чытаць казкі