Дэбютны міні-альбом назвалі «Іскарка» – такім чынам спярша хацелі назваць сам праект, абраўшы сімвал агеньчыка, які можа распаліць у сэрцах слухачоў любоў да беларускай культуры, мовы і каранёў. Ініцыятаркай SPIEVY z-pad mosta была мастачка Караліна Палякова, вакальнай і канцэптуальна-этнаграфічнай кіраўніцай – лідарка этна-электроннага дуэта Šuma Руся.

У EP увайшлі чатыры песні: «Iskarka», «Pokuc», «Oho-ho Koza», «Zastukacieli» – гэта ўсё цалкам традыцыйныя матывы, але ў аўтарскім аранжыраванні Русі. На першую кампазіцыю гатовы кліп. Здымалі яго зусім блізка ад польска-беларускай мяжы, у рэзідэнцыі Mochnarte.

  Паслухаць альбом «Iskarka» можна на стрымінгах.