Minsk Music Sessions: Dirty Owl

Minsk Music Sessions – гэта відэапраект інтэрнэт-часопіса 34mag.net, у якім мы скрыжоўваем знакавыя і атмасферныя месцы Менска з цікавымі і актуальнымі музыкамі ў рэжыме live.

Сённяшні выпуск прысвечаны легендарнаму гіганту – Менскаму матацыклетна-роварнаму заводу aka «Мотавела», вядомаму ўсім з дзяцінства па ўсесаюзных «Аистах» і «Орлёнках». Менскі электроншчык Dirty Owl, вядомы таксама як адзін з аўтараў падкастаў пра электронную музыку «Логика Ритма», жыўцом запісаў гукі, якія чуваць у вытворчых цэхах, і згарнуў іх у атмасферны саўндтрэк, які быццам пагружае цябе ў арганізм завода. Атрымаўся «Aist Live».

Асобная падзяка за арганізацыю здымак Мішу Малікіну

Партнёр праекту Minsk Music Sessions –

Звярні ўвагу, што нядаўна velcom запусціў новы моладзевы тарыфны план – «У тваім рытме». Адна з цікавых асаблівасцей гэтай прапановы – магчымасць слухаць музыку ў прэміум-акаўнце сэрвісу Zvooq без абмежаванняў і без аплаты мабільнага трафіка. Іншыя перавагі новага тарыфу знойдзеш тут.

Інфармацыйныя партнёры

P.S. Прапаноўваем табе стаць неад’емнай часткай нашага шоу! Здымі ўласнае музычнае відэа любога фармату на вуліцах сталіцы, апублікуй яго ў Instagram ці Facebook з хэштэгам #minskmusicsessions – самаму крутому аўтару мы бясплатна здымем live-кліп!