topic!

Яны ловяць кайф не ад таго, пра што вы падумалі. Ім патрэбны іншыя радасці. Маленькія салодкія радасці. 

Калекцыянераў цукру ў пакунках называюць сукраладжыстамі. Яны збіраюць шугар у пакеціках, у кубіках. Часам у іх калекцыі можна знайсці і цэлыя “цукровыя галовы”.

Запакунак

Першым пакаваць цукар дадумаўся нехта спадар Пікард з Францыі. 

Было гэта ў далёкім 1909-ым, калі спадара ўшчэнт задзяўблі насякомыя, што садзяцца і жаруць цукар. Праз колькі год запакаваны цукар трапіў у рэстарацыі. З тых часоў гэтыя кропкі общепита сталі мекай для калекцыянераў.

У тых, хто збірае свае калекцыі выключна па рэстарацыях, колькасць пакецікаў можа не дасягаць і 100 штук. Сапраўдныя сур’ёзныя калекцыянеры (як канадскі прафесар Том Прыстлі, напрыклад) вядуць улік на сотні тысячаў пакуначкаў.

Нашая салодкая Іра…

...звычайная беларуская глюкафілка. 

Калекцыянуе ўжо 8 год. Пачала збіраць пакункі з цягнікоў, што вазілі яе дадому. Зараз збірае паўсюль. А часам даходзіць да папрашайніцтва: заходзіць у кавярні і просіць дадаць у калекцыю пакецік – не адмаўляюць звычайна. Здараецца , што даводзіцца браць і без дазволу. Ну а чаго не зробіш дзеля сур’ёзнай справы? 

Самыя экзатычныя пакецікі на сёння – з Тайваню. 

Сапраўдныя калекцыянеры – людзі не сквапныя і гатовыя падзяліцца лішнім пакецікам з тым, каму ён найбольш патрэбны. Таму ў Менску час ад часу ладзяцца стрэлкі сукраладжыстаў. Магчыма, не так часта як хацелася б. Але ніхто пакуль не адмяняў звычайнай пошты, каторая, сама не ведаючы, прымае актыўны ўдзел у развіцці салодкага вар’яцтва. 

Пачынаючым сукраладжыстам

http://caxapuku.narod.ru/

http://www.uksucrologistsclub.org.uk/

Facebook

ВКонтакте

P.S. У слайдшоў выкарыстаныя фотаздымкі цукру з калекцый Іры і Крысціны.